datai nyenguk baru =)

lama wai aku udah enda datai ngagai blog aku naip2 utai.. laban ke kelalu mayuh pengawa. ya dua minggu tu tadi, amat tak nadai cukup tinduk. laban semua kerja/ projek kursus mesti di anjung minggu tu tadi. nasib amat wau aku udah tembu. enti enda ka parai ngaga ya.

tu meh sekeda ari wau ke dgaga kami... projek tu digaga kami ungkup mata pelajar Pameran Seni dan Organisasi. kami diasuh milih deka ngaga wau tauka ngaga batik. aku deka nguji ngaga wau laban ke enda kala. amat tusah ngaga ya wai.. pedis amat jari aku nebuk corak ya laban duku mit (mit agi ari lungga mata ya) amai kering udah ga bulat baka pensil, batang ya besi. 3malam enda tinduk nembu ke wau.. ahahh...

dia kita berunding... siang tinduk malam gawa... nyadi munsang neh kih? ahahah...

ungkup projek dalam subjek Asas Reka Bentuk Seni, kami diasuh urang milih 3iti kerja/projek ke deka digaga ; ngaga catan, lukisan warna monokrom tauka ngaga topeng. aku milih ngaga topeng ti di beri aku nama " NENEK KEBAYAN".

kerja ketiga kami ungkup mata pelajar Teknik Seni Visual 1 ianya ngaga batik ngena corak ti di ubah kitai empu.